बागमती प्रदेश पर्यटन ह्याकाथनमा शंकरदेव कलेजको ‘द इभिल्स’ टोली प्रथम

काठमाडौंस्थित नेपाल इन्जिनियरिङ कलेजमा आयोजित ‘बागमती प्रदेश पर्यटन ह्याकाथन २०८३’ सफलतापूर्वक सम्पन्न भएको छ। बागमती प्रदेश सरकारको संस्कृति तथा पर्यटन मन्त्रालयसँगको सहकार्यमा सञ्चालित उक्त प्रतियोगितामा २७ टोलीको सहभागिता रहेको थियो। प्रतियोगितामा शंकरदेव कलेजको ‘द इभिल्स’ टोली प्रथम हुन सफल भएको छ। यस कार्यक्रमले विद्यार्थीहरूको नवीन सोचमार्फत पर्यटन क्षेत्रमा प्रविधिको प्रयोगलाई बढावा दिने लक्ष्य राखेको छ।