काठमाडौं उपत्यका ट्राफिक प्रहरीद्वारा विशेष सडक सचेतना अभियान सुरु

काठमाडौं उपत्यका ट्राफिक प्रहरी कार्यालयले 'जिम्मेवार चालक बनौँ, जरिवानाबाट बचौँ' भन्ने नाराका साथ विशेष सडक सचेतना अभियान सुरु गरेको छ। उपत्यकाको ट्राफिक व्यवस्थापनलाई प्रभावकारी बनाउन र सवारी दुर्घटना न्यूनीकरण गर्ने उद्देश्यले यो अभियान सञ्चालन गरिएको हो। प्रहरी उपरीक्षक नरेशराज सुवेदीका अनुसार यस कार्यक्रमले सडक सुरक्षा, ट्राफिक नियमको पालना र चालक तथा यात्रुमा सचेतना अभिवृद्धि गर्ने लक्ष्य राखेको छ।