वन र भूमिसम्बन्धी अध्यादेश संसद् छलेर ल्याएको भन्दै कांग्रेसको आपत्ति

प्रमुख प्रतिपक्षी दल नेपाली कांग्रेसले सरकारले वन र भूमिसम्बन्धी कानुन संशोधनका लागि संसद् छलेर अध्यादेश ल्याएको भन्दै आपत्ति जनाएको छ। काठमाडौंमा आज पत्रकार सम्मेलन गर्दै प्रमुख सचेतक बासना थापाले सरकारले संसद् बन्द गरेर अध्यादेशको बाटो रोजेको बताइन्। सरकारले वन सम्बन्धी केही नेपाल ऐनलाई संशोधन गर्ने अध्यादेश र भूमि सम्बन्धी केही नेपाल ऐन संशोधन गर्ने अध्यादेश जारी गरेको थियो।